KALIBO, Aklan—Nagdangop sa Bombo Radyo ro sangka barangay office agud ipanawagan ro poste nga nagahapay sa Brgy. Panayakan, Tangalan bangud nga nagasagabal raya sa national highway it nasambit nga lugar.
Suno kay Kagawad Cyrus Magallanes, ginapanag-iyahan ro poste it Islacomm ag kinahang-ean nga mataw-an raya it aksyon para indi pagtunaan it disgrasya.
Maabo eon man nga mga aksidente nga nagtuwaw sa nasambit nga lugar bangud nga nakatindog raya sa kurbada.
Nasayuran nga masobra daywang dominggo eon nga makaruyon gihapon ro estado it poste.
Maabo eon man nga mga pumueuyo it nasambit nga barangay ro nagreklamo kana rason nga subject for pull-out eon ro nasambit nga poste.
Apela ni Magallanes sa mga natungdan nga aksyunan ag boe-on eon ro poste para malikawan ro mga aksidente mga maga-eontad sa lugar.
