KALIBO, Aklan—Nagapabilin nga positibo ro pambato it Aklan sa Miss Universe Philippines 2020 sa pihak it ginapangatubang makarun nga krisis bangud sa coronavirus disease ukon COVID-19.
Suno kay Christelle Abello, tumandok it Brgy. Tigayon Kalibo ag ro pambato it Aklan sa Miss Universe Philippines 2020 nga makarun nga tyempo hay dapat magbueoligan ro tanan para maeampasan ro ginapangatubang nga pandemya.
Importante man suno pa kana ro pagpabilin nga mentally ag emotionally healthy.
Mag-usoy it pamaagi para makaangkon it komunikasyon sa pamilya.
Ginpaseamatan man kara ro tanan nga mga frontliners sa pagsakripisyo it andang kabuhi para masiguro ro kaeuwasan it tanan.
Samtang, ginpahayag man it Aklanon beauty queen nga posibleng pagahiwaton ro nasambitan nga pageant sa buean it Oktobre.
Sa pihak kara, nagapabilin sigon ro anang pag-ensayo agud maangkon ro ginahandom nga korona.
Owa man sigon sanda it impormasyon kung paano ro magiging set-up it pageant.
Sa makarun hay naka-focus imaw sa pagbulig it mga pomoeuyo nga eubos nga naapektuhan it pandemya.
Kamaturoan eamang kara, nakatipon sigon imaw it kapin sa 1,100 US dollars sa fund raising nga “kapit bisig tayo” ag nakapaabot it bulig sa mga kababayan nga Aklanon.
