Presyo it nagapangunang sangkap sa paghimu it kakanin, nagtaas

Nagapati ro sangka kakanin vendor it Kalibo Public Market nga si Rea Militante nga tradisyon eon ro paghanda sa pista minatay partikular it mga kakanin.

Suno kay Rea, raya hay para mapabutyag sa mga pinalangga sa kinabuhi nga nagtaliwan eon nga owa sanda ginakalipatan.

Apang, sa kamatuoran sigon hay grabe man  ro andang pag-adjust bangud sa pagtaas it presyo it pilang ka mga nagapangunang raw materials sa paghimu it kakanin.

Doble sigon  ro tinaas it mga nasambit nga raw materials  partikular ro asukar.

Sa pihak kara, owa sigon it pagtaas sa anang mga baligya ukon pag-adjust sa eagko kara apang pagalikawan sigon nanda ro pagpaayu ukon pagtao it paaman.