Ginapaimbestigahan it Kamara sa mga natungdan nga ahensiya it gobyerno ro naging papel nanday dating pangueong Rodrigo Duterte, Vice President Sara Duterte ag Sen. Ronald “Bato” dela Rosa sa nangin pagtago ni Kingdom of Jesus Christ founder Pastor Apollo Quiboloy.
Suno kay Manila Rep. Joel Chua, ro dating pangueo ro nag tindog makaron nga administrador it KOJC compound kung siin nadakop si Quiboloy. Ginahamabae ni Chua nga may una man nga pahayag ni VP Sara nga uwa eon sa KOJC compound sa Davao City si Quiboloy nga mahimo sigon ng ginhungod nga hamabaeon agod nga makapangluko.
Pamilit pa ni Chua nga dapat magbuligan ro tanan agod nga madakpan ro mga wanted sa laye. Si Quiboloy hay nagapangatubang sa kasong child abuse, sexual abuse, ag qualified trafficking mag eowas sa mga kasong gina pangatubang kara sa Estados Unidos.
Samtang gin-suggest ni House Assistant Majority Leader Jil Bongalon nga, dapat mang imbestigahan o kasuhan si Senator Ronald “Bato” dela Rosa it obstruction of justice bangod sa pag-divert sa atensyon it mga pulis sa pagdihon it warrant of arrest kuntra kay Quiboloy.
