Nagakabaeaka ro National Aeronautics and Space Administration (NASA) bangud sa magkasunod nga pag-abot it mga bagyo sa West Pacific partikular eun sa Pilipinas nga ginsalarawan it ahensiya bilang ‘unusual sight’.
Bangud sigon natatabo ro Typhoon season sa West Pacific sa buean it Mayo ag Oktubre eamang.
Suno man sa Japan Meteorological Agency nga ro magakasunod nga pag-abot it bagyo makaron nga buean it Nobyembre sa karagatang pasipiko partikular eun sa Pilipinas hay nailista bilang ‘first time’ sa kasaysayan halin ku 1951 kun siin nailista man ro sunud-sunod nga pag-abot it bagyo sa Pacific basin.
Kun malala haeos magkakasunod eamang nga nagsueod ro mga nag-agi nga bagyo sa landmass it Pilipinas, kaibahan ro bagyong ‘Marce’, nga tumama sa nasyon ku Nobyembre 7, makataliwan ro ap-at nga adlaw hay nagsueod man ro bagyong ‘Nika’ nga nagsamad sa probinsiya it Aurora.
Ku adlaw it Huwebes it nagtaliwan nga dominggo sa buean gihapon it Nobyembre kat magsueod ag nagpanaeasa ro bagyong ‘Ofel’ kun siin linibo nga mga residente ro ginbakwit sa Northern Luzon.
Samtang, ginreport man it state weather bureau nga ro pagsueod it panibag-ong bagyong ‘Pepito’ nga saligan nga magapanaeasa sa Bicol, Central Luzon ag Metro Manila nga mahimo pa sigon magbaskog bilang super typhoon.
Sa ginhimo nga assessment report it United Nation (UN) humanitarian coordinator sa Pilipinas sa nagtaliwan nga mga buean hay nag-abot eun sa 207,000 nga kabaeayan ro nasamad it mga magkasunod nga bagyong nag-agi sa Pilipinas kun siin 700,000 nga mga indibidwal ro nagapabilin sa mga evacuation center.
