Gintapos eon it National Bureau of Investigation ro andang imbestigasyon sa naging paeag ni Vice President Sara Duterte kontra kay Pangueong Marcos Jr, First Lady Liza Marcos ag Speaker Martin Romualdez.
Suno kay Prosecutor General Richard Fadullon, presenteng ginaevaluate it Department of Justice ro inisyal nga imbestigasyon it NBI.
Suno kana, nagtaeana eon imaw it mga prosecutors agud usisaon it uman ro mga ebidensya nga una sa kustodiya pa makaron it NBI.
Depende man sigon sa resulta it evaluation kon magapaguwa sanda it rekomendasyon nga magpasaka it kaso kontra sa bise presidente sa DOJ ukon kinahang-ean ibalik sa NBI para pabaskugon ro kaso agud nga inde raya pag-ibasura it korte.
Padayon ro pagbueoligan it DOJ ag NBI para maresolba ro nasambit nga isyu.
Suno mat-a kay Justice Undersecretary Raul Vasquez, ro ginahimo nga ebalwasyon sa inisyal nga imbestigasyon it NBI hay kaparte it case build up.
