Ginapatuman it National Bureau of Investigation (NBI) ro mando it Department of Justice nga iserbe ro arrest warrant halin sa International Criminal Court (ICC) kontra kay Senador Ronald “Bato” Dela Rosa.
Suno sa NBI, igapatigayon ro proseso it pag-aresto sandig sa naga-iral nga laye ag mga sueundanan kasunod it desisyon it Korte Suprema nga ibasura ro hinyo nga Temporary Restraining Order ag Status Quo Ante Order para punggan ro warrant.
ginsigurado man it ahensya ro patas ag propesyonal nga pagpatuman it laye sa nasambit nga kaso.
Kadungan kara, nakikipag-bueuligan ro NBI sa Department of Justice fact-finding panel ag sa Criminal Investigation and Detection Group (CIDG) angot it bueag nga imbestigasyon sa insidente it barilan sa Senado ku Mayo 13, kaibahan ro pag-tao it mga video, komunikasyon, ag iba pang ebidensya.
