Nagpanindugan ro National Bureau of Investigation nga iya gihapon sa sueod it nasyon ro pugante ag negosyanteng si Charlie ”Atong” Ang.
Sa interview kay Atty. Angelito Magno, acting director it nasambit nga ahensya, ginpakigbahin kara nga nagapati sanda nga iya gihapon sa Pilipinas ro pugante.
Padayon suno kana ro ‘manhunt operations’ it ahensiya agud makit-an ag matumod ro lokasyon ni Atong Ang, nga presenteng uwa gihapon nakit-an.
Dugang pa nana nga nakikipag-angot man sanda sa nagkaeain-eain nga mga embahada it nasyon engkasong may unang impormasyon nga nagahambae nga nakaguwa eon raya it nasyon.
Apang bangud sa kawad-an pa it opisyal nga pahayag halin sa Department of Foreign Affairs ag Bureau of Immigration, gin-insister nana nga posibleng iya sa Pilipinas gihapon ro puganteng si Atong Ang.
Samtang, pagpasiguro mat-a nana nga ginahimo it ahensiya ro tanan agud nga maresolba eamang ro ginkasa nga ‘manhunt operations’.
