KALIBO, Aklan—Gindeklara eon it gobernador it New York City ro State of Emergency bangud sa nagatinaas nga kaso it monkeypox virus sa estado.
Suno kay Bombo International Correspondent Greg Aguilar nga nailista ro pinakamaabu nga outbreak it monkeypox sa estado it New York City ag San Francisco, California.
Naga-abot sa 1,400 ka mga kaso it monkeypox ro nailista sa New York.
Kaabuan suno kana sa mga kaso hay halin sa bisexual community matapos ro pakikipaghieawas sa kaparehong eaeaki.
Nakataeana man nga umpisahan it gobyerno ro pag-administer it bakuna kontra sa monkeypox.
Gin-anunsyo man sigon ro pagpanupod it dugang nga 110,000 doses it monkyepox vaccine sa New York kung siin kaparte raya it masobra 800,000 doses nga plano it gobyerno nga igatao sa mga apektadong estado.
