Opisyal eon nga nagpanumpa bilang lider it Bangladesh interim government si Nobel laureate Muhammad Yunus ag nagpromisa nga igapabilin nana ro pagsuporta ag protekta sa andang konstitusyon.
Nagpanumpa ro 84-anyos nga Nobel prize laureate sa presidential palace sa Dhaka kaibahan ro masobra sang dosena nga mga miyembro it bag-o nga gabinete.
Nagpadueong si Yunus sa Dhaka pilang adlaw matapos nga nag-eskapo pinaagi sa border paagto sa India ro dating prime minister nga si Sheikh Hasina, ro babayi nga nagpamuno sa Bangladesh sa sueod it kapin sa 15! anyos.
Nag-resign si Hasina bilang prime minister matapos ro pilang domingo nga pagprotesta it mga estudyante kontra kana, nga nagresulta man sa pagkamatay it ginatos nga katawo.
Samtang, nagaeaum ro mga pamatan-on nga si Yunus ro makadaea it matuod-tuod nga demokrasya sa andang nasyon.
Nasayuran nga si Yunus ag ro anang Grameen Bank nga sangka microcredit organization hay nagdaog sa 2006 Nobel Peace Prize bangud sa anang pagtinguha nga mabatak halin sa kapobrehon ro minilyon nga mga tawo sa Bangladesh pinaagi sa pag-grant it manaba nga loans nga indi magsobra sa $100.
Bangud kara, ginabansagan si Yunus bilang ‘banker for the poor’.
