Ginpaathag ni Hernani Escullar Jr. nga magapadayon ro klase it mga 4,957 pampublikong ekswelahan sa bilog Western Visayas nga base sa school calendar ag DepEd order 22 series of 2023 sa Enero 3 samtang ro pribadong eskwelahan hay may kaugalingon nga approved school calendar.
Balik sa normal ro klase pati tanan ro manugturo ag estudyante kung siin nga 1.8 learners ro magaballik.
Uwa pa man sigon sanda it nabaton nga mga problema sa mga eskwelahan ukon classrooms.
Masayuran nga nagpaguwa it memorandum ro DepEd nga nakabutang ro guidelines sa mga dapat himuon sa holiday season, pati man ro DRRM nagpaguwa man it mga gudelines sa mga schools ag division offices parte sa mga dapat himuon sa mahabang holiday season.
Dugang ni Escullar Jr. nga sa parte it DepEd Region 6 padayon ro pagtabulate it resulta ku Regional Achievemnet Measures nga imbolbado ro 1.5 million learners.
Pagsiguro nana nga padayon ag sigedas ro mga nakalinyada nanda nga mga aktibidades matapos ro mahaba nga bakasyon pati man ro mga kada eskwelahan hay may nakaplano man sigon para sa mga estudyante.
Preparahan sigon ku nasambit nga taeatapan ro MATATAG Curriculum sa first half it dag-on.
May training sigon nga para sa mga manugturo agud mas mapa-umwad pa gid ro andang pamaagi.
Mensahe ni Escullar Jr. nga sa pihak ku bakasyon padayon sigon sanda sa paghimo it plano para sa kamaeayran it mga estudyante.
