Umabot eun sa South Korea ku Sabado ro sangka nuclear-powered U.S. aircraft carrier para sa sangka three-way exercise kaibahan ro Japan agud pasangkaron ro andang kanilang military training sa tunga it paeag it North Korea kun siin mas pang sumangkad kasunod it sangka kasunduan sa seguridad sa Russia.
Ro pag’abot it USS Theodore Roosevelt strike group sa Busan hay nga nag’abot sang adlaw matapos ipatawag it South Korea ro Russian ambassador agud iprotesta ro sangka mabahoe nga kasunduan sa tunga it Russian President nga si Vladimir Putin ag North Korean leader Kim Jong Un.
Ro kasunduan hay sangka promisa it bulig nga pangapinan ro kada isaea kun magtuhaw ro giyera.
Kasunod it pagpueong sa tunga it mga defense chiefs sa Singapore ku unang parte it Hunyo, gina’anunsyo it United States, South Korea ag Japan ro Freedom Edge drills.
Ro Roosevelt strike group hay maga’intra sa sangka training nga ginasaligan nga maga’umpisa makarong Hunyo.
Uwa man ginkumpirma it militar it South Korea ro detalye it training.
Pahayag man ni Rear Admiral Christopher Alexander, commander it Carrier Strike Group Nine, nga ro training hay katuyuan nga pabaskugon ro tactical proficiency it mga barko ag pamayaron ro interoperability sa tunga it mga navy it mga nasyon agud masiguro ro andang kahauman sa anuman nga krisis.
Nag’intra man ro Roosevelt strike group sa sangka three-way exercise kaibahan South Korean ag Japanese naval forces ku Abril sa gina’awayan nga kaeawran.
