KALIBO, Aklan–Nagapasaeamat ro Numancia Municipal Police Station nga sa ikatlong sunud-sunod nga kahigayunan hay nagapangaywa sanda sa may pinakamataas sa kada buean nga “Unit Performance Evaluation Rating” ukon UPER sa tanan nga 17 nga municipal police stations sa bilog nga probinsiya it Aklan.
Nasayuran nga ro Kalibo Municipal Police Station sa pagpanguna ni PLt.Col. Ricky Bontogon ro pirmeng naga-top sa nasambit nga performance evaluation rating sa magkasunod nga tatlong buean.
Ginpasiguro ni PCapt Guevarra nga padayun sanda nga maga-doble kayod agud nga mapabilin ukon mapasaka pa ro andang performance ratings.
Suno kana nga ro kada buean nga Unit Performance Evaluation Rating hay may mga parameters nga ginaeakipan it pagsukat sa pagpatuman it disiplina, law and order; recruitment and selection process; pagsiguro it morale ag welfare it mga personnel; human resource actions sa placement ag promotion; management it personnel and records; ag personnel plans ag mga polisiya.
