KALIBO, Aklan—Gustong klaruhon makaron ni Mr. Medel Valenzuela it Numancia Tricycle Operators and Driver’s Association ukon TODA nga bukon it imaw ro may kahimuan it ginapatuman nga sueondanan sa pederasyon it mga tricycle driver’s kundi raya hay ginkasugtanan it tanan.
Raya hay matapos nga magkaproblema sigon ro andang grupo bangud sa ginasugid nga pagpamersonal it dati ag bag-ong presidente it TODA nga makarun hay nagtukod it andang panibag-o nga grupo nga ginatawag nga Numancia transport cooperative.
Suno kay Valenzuela, bukon it manami nga magkawatak-watak ro mga tricycle driver’s bangud magiging mahina ro andang puwersa agud nga maipaabot ro andang sentemiyento.
Ginkasubo man kara ro desisyon it iba nga gustong magkalas ag magtukod it kaugalingon nga grupo.
Samtang, depensa man it pihak nga grupo nga owa sanda naila magsunod sa ginapatuman it andang organisasyon.
