May una eon nga 42 testigo ro Office of the Ombudsman sa mga reklamong plunder, graft, bribery ag money laundering nga may kaangtanan sa kontrobersiya sa flood control projects nga ginakaimbolabran ni Leyte Rep. Martin Romualdez ag dating Ako Bicol Party-list Rep. Zaldy Co.
Kaibahan sa mga raya ro 28 bagong testigo ag 14 sa 18 indibidwal nga ginakabig nga “maleta boys,” nga ginasugid nga dating tawuhan ni Co.
Gina-imbestigahan it Ombudsman ro alegasyon it gina-alegar nga magkakonekta nga paghueag nanday Romualdez ag Co sa pagkamal it ginabueubanta nga P56 bilyong ill-gotten wealth halin 2022 hasta 2025, nga parte sigon hay ginhatod gamit ro mga maleta.
Ginhambae it Ombudsman nga ro 28 bag-ong testigo hay parte it tikang agud mausisa ro mga pagbawi sa testimonya.
May una man sigon nga impormasyon ro ahensya nga ginabyaran ro pilang testigo para bawion ro andang mga pahayag, sa pihak nga uwa anay ginbulgar kun sin-o ro posibleng una sa likod kara.
