KALIBO, Aklan — Ginlaygayan it Office of the Provincial Agriculturist-Aklan ro mga mangunguma nga i-report ro mga kahalitan nga posibleng igatuga it maeain nga tiempo kapareho it ginaeauman nga epekto it sobrang init ag krisis sa Middle East nga nagresulta sa pagtaas it presyo it mga produktong petrolyo.
Suno kay Engr. Alexys Apolonio it OPA-Aklan nga importante nga mai-dokumento ro mga kahalitan nga naangkon sa mga pananum, ueumhan, kasapatan , kagamitan ukon makinarya nga nasamad ag iba pa agud nga mausisa it gobyerno kun anong bulig ro kinahangeanon.
Posible suno kana nga isumite it mga farmers ro andang report sa natungdan nga Municipal Agriculture Office.
Dugang pa nga importante man nga ibutang it mangunguma ro andang Registry System for Basic Sectors in Agriculture (RSBSA) number para sa anuman nga bulig sa paeaabuton.
Sa makaron hay owa pa sanda it ideya kon hin-uno maga-abot ro fuel subsidy nga kapin sa P3,000 kun sa siin bukon man it tanan hay posibleng mataw-an.
Samtang, nagaeaum sigon sanda nga sa pihak it mga naeksperyensiyahan nga tag-init ag krisis sa Middle East hay padayun nga magatanum ro mga mangunguma agud nga mas pa nga mapataas ro produksyon.
