KALIBO, Aklan–Nagpatigayun it “Oplan Baklas” operation ro Malay Municipal Police Station kaibahan ro local election office sa isla it Boracay ko Pebrero 13.
Suno kay Police Lieutenant Colonel Don Dicksie De Dios, hepe it Malay Municipal Police Station, tuyo kara nga masiguro nga tama ro pagkabit it mga poster it kada kandidato.
Kinahang-ean sigon nga masiguro nga nagasunod ro kada aspirante sa ginpatuman nga guidelines it Commission on Elections (Comelec) para sa nagahilapit nga 2022 national and local elections.
Ginpasiguro ni De Dios nga kabulig sanda it komisyon sa pagbantay para sa seguridad ag euwas nga eleksyon.
Ginpangayo man kara ro kooperasyon it mga pumueoyo para masiguro ro katawhayan ag kaayusan sa mainland Malay ag sa tatlong ka mga barangay sa isla it Boracay.
