KALIBO, AKLAN – – – Naga apela ro Office of the Provincial Veterinarian sa mga negosyante it itlog nga indi magpamentaha bangud sa bird flu outbreak sa Pampanga ag Nueva ecija.
Raya hay kasunod it nataeupangdan nga pagtaas it presyo it itlog nga kon sa siin halin sa dating P5.50 hay naga-abot eon sa P7 hasta P8 sa Kalibo Public Market nga makabig sigon nga mahae.
Ginapatihan nga naga-abot sa P10 ro presyo kara sa mga ordinaryong baraka ukon sari-sari store.
Ro kada tray sigon hay nagtaas it 30 hasta 50 pesos.
Nagakabaeaka man imaw nga basi nga magahueag man ro presyo it iba pang produkto nga ginahaluan it itlog.
Nasayuran nga ro Aklan hay nagakinahangean it minilyon nga itlog kada buean eabi eon sa isla it Boracay.
Suno kay Dr. Mabel Sinel it OPVET nga posibleng sa masunod nga domingo hay magabalik eon sa normal ro presyo it itlog bangud sa pagduea sa ginpatuman nga ban sa shipment it mga raya.
Sa pihak nga parte, ginpahayag ni Dr. Sinel nga owa naapektuhan ro presyo it manok bangud nga bastante ro anang supply.
