NATIONAL News — Magpahaum ro mga motorista sa posibleng pagtaas it presyo it langis sa masunod nga domingo matapos ro sangka bigtime rollback nga ginpatuman makaron nga domingo.
Suno mga kompanya it langis, ginaeauman ro mga masunod nga pagtaas sa presyo it gasolina ag diesel:
Diesel —P1.10 hasta P1.40 kada litro
Gasolina —P1.30 hasta P1.60 kada litro
Ro pagtaas it presyo hay tuga it padayun nga mga tensyon sa global supplies it langis kasunod it pressure halin sa Estados Unidos, Iran ag mga bag-ong sanctions kontra sa Iranian oil exports.
Mag-eowas kara, plano it Organization of the Petroleum Exporting Countries (OPEC) nga bawasan ro produksyon it pilang miyembrong nasyon ag ro presenteng maintenance season it mga refinery nga nagatuga man it pagkabaeaka sa suplay.
Samtang, owa pa it ginpaguwa nga anunsyo halin sa iba pang mga kompanya it langis, apang ginaeauman man ro kapareho nga pagtaas it presyo sa masunod nga mga inadlaw.
