Nagtaeana ro gobyerno it P143 million maghalin sa pambansang pondo makaron nga 2023 para sa implementasyon it administrative order sa Air Passengers’ bill of rights para mabayaran ro mga pasahero engkaso maka-angkon it pagkadelay ukon kanselasyon it andang flights.
Raya hay sandig sa Joint Administrative order No.1 nga gin-isyu ko 2012 it dating Department of Transportation and Communications (DOTC) ag Department of Trade and Industry (DTI).
Nakabaehag sa nasambit nga AO nga engkaso magkansela ro air carrier it flight bangud sa force majeure ukon bangud sa security reasons may kinamatarong ro pasahero nga ma-reimburse ro kabilugang ginbayag nga pamasahe.
Samtang ro P143 million nga nasambit nga haega hay mas manaba mat-a sa P660 million nga compensation nga ginpahayag ni Albay Rep. Joey Salceda para sa 66,000 pasahero nga naapektuhan it air traffic system glitch rason nga temporaryong pagkaparalisa it operasyon it Ninoy Aquino International Airport (NAIA) ko nagtaliwan nga bag-ong dag-on.
Nauna ma nga ginpahayag ni Salceda nga chair it House Committee on Ways and Means, nga kapin sa giatantyang P10,000 ro conpensation sa kada pasahero nga naapektuhan it nasambit nga insidente.
