KALIBO, Aklan—Ginatan-aw nga maabot sa 200 pesos kada kilo ro live weight nga baboy nga magaresulta man it kapin sa P300 pesos ro kada kilo it karne kara sa merkado publiko.
Raya ro naging prediction ni Engr. Jun Agravante, presidente it hog raisers sa Aklan matapos ro nataeopangdan nga pagpundo it mga nag-alaga it baboy ko nagtaliwan nga tatlo hasta ap-at nga buean bangud sa manaba nga presyuhan nga nagresulta sa andang pagkalugi.
Ro magiging bunga sigon kara makaron hay ro posibilidad nga magakueang ro supply bangud nga ro Aklan hay nagapaguwa it baboy sa ibang probinsya kasunod it pagiging ASF free it probinsya.
Kon kato sigon hay nagapanawagan sanda nga maskin mag 150 pesos ro kada kilo it live weight hay makaron somobra man raya nga posibleng makaapekto sa mga konsumidor.
Apela nana sa kaparehong hog raisers nga inde magbaligya sa mga matansero sa guwa it probinsya agud nga makontrol ag mabalanse ro demand and supply it karne it baboy sa Aklan.
