Nakataeanang isumite it administrasyon ni Pangueong Ferdinand Marcos Jr., sa House of Representatives ro proposisyong P6.352 trilyon pesos nga budget para sa masunod nga dag-on makaron nga adlaw it Lunes, Hulyo 29.
Ro 2025 National Expenditure Program hay pormal nga igasumite ni Budget Secretary Amenah Pangandaman kay Speaker Ferdinand Martin G. Romualdez ag iba pang opisyal it Kamara de Representantes.
Ro simpleng turnover ceremony hay nakataeana it alas-10 it agahon sa Romualdez Hall it Kamara sa Batasang Pambansa complex sa Quezon City.
Samtang, ginpahayag ni Speaker Romualdez nga haom ro Kamara agud batunon raya ag insigidang umpisahan ro deliberasyon kara sa komite.
Ginpahayag dugang nga maid-id nandang pagatun-an ro proposisyon pondo ag pagagamiton ro oversight function para masiguro nga tama ro ginahimo nga paggastos kara it mga ahensya it gobyerno.
