KALIBO, Aklan—Ninahan nga gindaea sa Aklan provincial hospital ro sangka padre de pamilya matapos nga ginbuno it anang kaugalingong onga sa Brgy. Bakhaw Sur, Kalibo bandang alas-7:15 it gabi-e.
Sandig sa imbestigasyon it Kalibo Police Station, ginkilaea ro suspek nga si Denn Zandrex Silva, 20-anyos samtang ro biktima nga kaugalingon kara nga ama hay ginkilaeang si Dennis Silva, 42-anyos ag parehong residente it nasambit nga lugar.
Base sa report, nakaangkon it komosyon sa tunga it mag-ama bangud sa sugid it anang igmanghod nga uwa raya ginpakan-a it andang ama rason nga ginbayo it tatay ro onga nga nagresulta man sa pagbaeos it suspek ag ginbuno ro biktima it gunting sa anang waea nga porsyon it eawas.
Ro insidente hay insigidang narespondehan it mga otoridad nga nagresulta sa pagkaaresto it suspek ag presenteng una sa kustudiya it Kalibo PNP para sa nagakaigong disposisyon.
