Uwa naduean it pag-eaum ro mga rescuer nga makit-an pang buhi ro dose-dosena pang katawo nga nagapabilin nga missing sa ginakabig nga pinakamalalang pagbaha nga tumama sa Spain sa mga nakataliwan nga henerasyon.
Hasta sa makaron sigon hay padayon gihapon ro pag-usoy it emergency teams sa posibleng mga survivor halin sa nasambit nga kalamidad.
Presenteng nagabulig ro libu-libong volunteers sa Spanish military ag emergency services sa rescue ag clean-up operation.
Suno kay Valencia regional president Carlos Mazon, mas maabo pang mga tropa ro igadeploy.
Nagpromisa man si Spain Prime Minister Pedro Sanchez nga pagahimuon it gobyerno ro tanan para mabuligan ro mga apektado it kalamidad.
Sa makaron, masobra sa 200 katawo eon ro nakumpirmang namatay sa maeapnagong baha kon sa siin kaeabanan sa mga raya hay nailista sa Valencia region.
