-- ADVERTISEMENT --
KALIBO, Aklan–Naging malipayon ro mga negosyante sa gintukod nga flea market it lokal nga gobyerno it Kalibo kasunod it selebrasyon it Ati-atihan Festival 2023.
Suno kay Mary Grace Osmeña, sambilog sa mga vendor sa flea market nga maskin paano hay nakabawi sanda matapos ro daywang dag-on nga pagpaiway it face-to-face celebration it Ati-atihan tuga it pandemya.
Haeos adlaw-adlaw sigon hay dagsa ro mga tawo para magpamakae it kurtina ag mahaea sa andang pwesto.
Ro kinaiba eamang sigon makaron hay mas mahae ro andang bayad sa pwesto kumpara ko mga nagtaliwan nga dag-on.
Base sa gin-isyu kanda nga permit, hasta eon lang makaron nga dominggo ro andang pagbaligya apang haum sigon sanda nga mag-extend engkaso nga pasugtan raya it LGU.
-- ADVERTISEMENT --
