KALIBO, Aklan – Kabilugan nga naging madinaeag-on ro naging pagbisita ni former NBA Star Dwight Howard sa Brgy. Andagao covered court ku Hunyo14 nga adlaw.
Pahayag ni Jay’ar Arante – Head it Media Team it LGU Kalibo nga ginsug-eaw it banda ukon ati tribe si Howard halin sa airport, ag naghiwat it motortrade.
Apisar nga nadelay ro programa ukon aktibidad uwa gid sigon naayawan it hueat ro mga fans it basketball player.
Makabig sigon raya nga history kun siin raya ro unang beses nga may nagbisita nga NBA Star sa Aklan.
Malipayon man ag naeangkag ro mga fans sa presensiya ni Howard.
Ganado man sigon imaw nga nagpag-picture ag nagpirma it autograph sa pihak it kaabuon it tawo.
Raya sigon nga pag-imbita halin sa alkalde hay nagapakita it suporta sa sports.
Sa makaron, idto sigon si Howard kaibahan ro anang pamilya sa Boracay para sa andang bakasyon.
Dugang pa ni Arante nga nagapreparar eun man ro Local Government Unit it Kalibo para sa paeaabuton nga Opening Salvo.
