BUSINESS News —- Ginkalipay it AirAsia Philippines ro pag-abu it bookings it mga travelers halin sa ibang nasyon.
Suno kay AirAsia Spokesperson Steve Dailisan, mabahoe nga bulig ro pagbuhos it mga turista halin sa ibang nasyon kun sa siin, umpisa ko Pebrero 1 hasta 17 hay nag-abot eon sa 80,000 ro numero it mga foreign arrivals sa nasyon.
Gindugang pa ni Dailisan, nagaeaum ro AirAsia Philipines nag magadere-deretso ro influx it foreign travelers agud nga mabawi ro nalugi sa masobra sa daywang dag-on nga pag-strikto it gobyerno sa travel restrictions.
Mag-eowas kara, maabu man nga mga empleyado it AirAsia ro nakabalik sa andang serbisyo bangud sa mataas nga demand it mga turista.
Samtang, nagpaandam man sa publiko si Dailisan angot sa mga nagagamit sa pangaean it andang ahensya kun sa siin, may pilang mga nagapakuno-kuno nga empleyado it AirAsia para makapangloko it mga aplikante.
