KALIBO, Aklan—Kabilugan nga naging matawhay ro waeong adlaw nga pagdihon it Certificate of Candidacy (COC) it mga kandidato nga magapa-ilihir sa nagkaeain-eain nga posisyon sa gobyerno para sa 2022 national and local elections.
Raya ro ginpahayag ni PNP Chief General Guillermo Eleazar kasunod it anang command visit sa probinsya it Aklan.
Nauna eon nga ginpatuman it Philippine National Police ro striktong pagbantay para mataw-an it daean ro maayos ag matawhay nga pagdihon it COC it mga gustong magpadaeagan sa eleksyon.
Kadungan kara hay ro pagpatuman it gun ban nga nag-umpisa pasado alas-12:00 it aga-aga ko Setyembre 30 hasta Oktobre 9 para malikawan ro firearms-related incidents.
Ro mga miyembro it kapulisan, militar ag mga halin sa law enforcement agencies eamang nga may official duty ro exempted sa nasambit nga mandato.
Ro pagpatuman it gun ban hay sandig sa PNP Memorandum Circular nga “ Guidelines and Procedures in Securing the Conduct of 2022 National and Local Election” ag sandig man sa letter request halin sa Commission on Election (Comelec).
