KALIBO, Aklan—Aprubado eun sa ginpatigayon nga public hearing it Committee on Transportation kaibahan ro mga barangay kapitan it 16 ka mga barangay sa banwa it Kalibo, presidente it nagkaeain eain nga asosasyon it Tricycle Operators and driver’s association (TODA), sektor it Person with Disability ag senior citizen ag mga katapo it kapulisan ro ginaduso nga ordinansa may kaangtanan sa pagdugang it mga pasahero nga puweding isakay it mga tricycle driver sa banwa it Kalibo.
Suno kay Sangguniang Bayan Member Matt Aaron Guzman nga maghalin sa daywang ka mga pasahero eamang nga puweding maisakay sa tricycle hay pagahimuon eun rayang tatlo.
Apang kinahangean sigon nga magbutang it barrier agud magapabilin nga nasusunod ro ginapatuman nga minimun health protocol.
Ro nasambitan nga tikang hay kasunod sigon it pagpaidaeum sa bilog nga probinsiya it Aklan sa General Community Quarantine ukon GCQ.
