KALIBO, Aklan—Kabilugan nga naging matawhay ag malinong ro pagdumdom it Semana Santa sa bilog nga banwa it Kalibo.
Ginpahayag ni Mr. Terrence June Toriano, head it Municipal Disaster Risk Reduction Management Office ukon MDRRMO Kalibo nga base sa andang monitoring sa mga simbahan ag pilgrimage site hay minimal eamang ro narespondehan nga nagkinahang-ean it first aid medication.
Raya hay ginakaeakipan it mga nahilo bangud sa gaoy ag init it panyempo kamana man pila ka mga vehicular accident.
Apang sa pihak kara, uwa suno kana it worse case scenario nga nag-eontad sa bilog nga pagdumdom it Holy Week.
Ko adlaw it Dominggo hay namonitor ro mga baybayon, kasubaan ag iba pang resort nga gindagsa it maabong tawo bangud eon man sa gusto it mga raya ro relaxation sa ulihing adlaw it bakasyon ag sa tuman nga kainit nga nabatyagan tuga it El Niño.
