Nagpaandam ro grupong Bring PRRD Home nga ro pagkadetene ni dating Pangueong Rodrigo Duterte sa International Criminal Court (ICC) hay posibleng magtuga it uman nga pag-usbong it ideya it kasarinlan it Mindanao.
Suno kay Benito Ranque, convenor it grupo, maabong pumueuyo it Mindanao ro nakabatyag it pag-abandona, ag ginakabig it pila nga ro kahilwayan it rehiyon ro solusyon sa andang pag-umwad.
Ginbanggit nana ro Declaration of Mindanao’s Independence, nga una eon nga ginsumite sa United Nations ku 1986 apang uwa ginendorso it anumang nasyon, hay posibelng uman nga buhayon kun makabuoe it suporta halin sa nasyong kapareho it China ukon Russia.
Dungang pa, hinambae man ro pagbilog it sangka interim Federal government sa Mindanao, nga posibleng pagdumaeahan ni Duterte, para itueod ro petisyon para sa kasarinlan sa UN. Ro ideya it independence hay uman nga naistoryahan sa pagpueong it mga lider it rehiyon, nga nagatuyong ipanawagan ro pagpauli kay Duterte pabalik it Pilipinas.
