USA – Padayon ro pagbuhos it mga pagtamyaw halin sa nagkaeain-eain lider sa it mga nasyon matapos nga magdaod it uman si US President Donald Trump.
Nanguna si Pangueong Ferdinand “Bongbong” Marcos Jr sa pagdayaw kay Trump kun siin nagasalig raya nga mag-angkon pa it hugot nga kaangtanan ro US ag Pilipinas.
Maging si dating Pangueong Rodrigo Duterte hay gintamyaw man si Trump kun siiN ginpakigbahin pa kara ro litrato nanda nga daywa kat raya hay nagawarang sa US.
Gintawag man ni Israeli Prime Minister Benjamin Netanyahu nga sangka makasaysayan nga pagablik ni trump sa US nga ginakabig nana nga amigo.
Sa pahayag man it Hamas government, nga dapat hay pamatian ni Trump ro limog it mga Americans nga kontra sa anumang pag-intra sa Gaza.
Ginsiguro man ni Palestinian President Mahmoud Abbas nga andang suportahan ro anuman nga programa ni Trump.
Nagasalig man ro Taliban government nga maga-angkon it bag-ong kabanata ro relasyon nanda it US bangud sa pagdaog ni Trump kun siin pahayag ni Foreign Ministry spokesman Abdul Qahar Balkhi nga mabahoe ro pagsalig nanda nga maga-angkon nanda it manami nga relasyon it daywang nasyon.
Nagpanindugan man ro Chinese Ministry of Foreign Affairs spokeswoman Mao Ning nga uwa gabag-o ro polisiya nanda sa US.
Nagapati man si Ukrainian President Volodymyr Zelenskyy nga ro ‘peace through strength’ approach ni Trump hay magadaea it katawhayan sa Ukraine.
Nagasalig man sanday Egyptian President Abdel Fattah el-Sisi , Emir Sheikh Tamim bin Hamad Al-Thani it Qatar ag United Kingdom Prime Minister Keir Starmer , nga magiging manami pa ro andang relasyon.
Maging ro United Nations, European Union ag North Atlantic Treaty Organization (NATO) hay nagpaabot it pagtamyaw kay Trump kun siin ginsiguro nanda ro pagpabilin it mainit nga kaangtanan sa US.
