Aprubado eon bilang sangka laye ro pagtao it bueanan nga honoraria para sa mga Sangguniang kabataan (SK) officials.
Raya hay kasunod it pagpirma ni Pangueong Rodrigo Duterte ku nagtaliwan nga Mayo 6 sa Republic Act No. 11768 nga naga-amyenda sa probisyon nga hanueod sa Sanggunian Kabataan Reform Act of 2015.
Sa idaeom it nasambit nga laye, ro tanan nga SK members kaibahan ro treasurer ag secretary hay kiahagean nga makabaton it nagakaigo nga honoraria kada buean sa katapusan it sangka regular monthly Sk meeting sa kondsiyon nga indi mag-eagpas sa 25% it pondo nga nakataeana para sa SK ag indi man mag-eagpas sa compensation nga mabaton it SK chiarperson.
Puwedi mantao ro local government units it dugang nga sweldo ag social welfare contributions ag hazard allowance sa SK chairperson ag iba pang elected ag appointed members it youth council pamaagi sa mga lokal na oridinansa.
Nakabaehag man sa nasambit nga laye nga ro mga SK members hay kinahangean nga may civil service eligibility base sa dag-on it andang pagserbisyo para sa mga barangay.
Ginamandu ma it bag-ong laye nga ro kada SK nga mag-ilihir it andang secretary ag treasurer ag magtaeana it schedule it regular meetings ag Katipunan ng Kabataan assemblies sa sueod it 60 nga adlaw pagkapungko sa pwesto.
Sa pihak nga parte, kinahangean man it mga SK members nga magbilog it sangka 3 year rolling plan nga ginatawag nga Comprehensive Barangay Youth Development Plan.
