Ginakabig ni President Ferdinand Marcos Jr. ro Palarong Pambansa bieang training ground it mga atletang Pilipino nga magiging record holder o Olympic champions sa pa-eaabuton.
Raya ro ging paabot it Presidente matapos pangunahan ro pag-umpsa it Palarong Pambansa ko Martes 2024 it hapon nga gin hiwat sa Cebu City para sa haeos daywang dominggong kompetisyon it mga atleta mag halin sa naga kasari saring parte it nasyong Pilipinas.
Sa anang diskurso, gin hambae it Pangulo nga ro aktibidad hay bukon eamang it sangka kompetisyon it mga eskuwelahan ag rehiyon kundi raya hay pamaagi para madiskubre ag mahasa ro magiging professional athletes, Olympians ag mga opisyalis it nasyon.
Ginhambae it Presidente nga sa 541 atletang partisepante sa Palarong Pambansa, naga pati raya nga maabo pang magiging record holders ag champions sa andang napili nga patag bukon eamang sa national level kundi hasta sa international.
Suno sa Pangueo, ro palarong Pambansa makarong dag-on hay kakaiba dahil maabo nga mga bag-o nga ginadugang bukon eamang it sa sports, partikular ro partisipasyon it mga atleta halin sa National Academy of Sports ag Philippine Overseas Schools; dance sports nga magiging regular sa mga masunod nga palarong pambansa; soft tennis; Karatedo; football para sa mga high-school nga mga baye ag e-sports, nga tanan hay magiging exhibition sports makaron.
Ro mga partisepante sa palarong Pambansa sa Cebu City hay multi-level scholastic competition nga gina intrahan it atleta halin sa elementarya ag high school maghalin tanan sa rehiyon it atong nasyon, kaibahan ro National Academy of Sports, ag Philippine Schools Overseas nga pagahiwaton sa July 6 hasta sa July 17.
