KALIBO, Aklan—Nagapangayo makaron it bulig pinansiyal ro sangka eaeaki para sa pagpabueong it anang ina nga si Roselle bautista nga mas kilaea sa bansag nga “eangkuga queen” bangud sa baligya nga eangkuga sa Regalado St. Kalibo.
Suno kay Judah Bautista, unga it pasyente nga presenteng sa intensive care unit ukon ICU it sangka pribadong ospital ro anang ina.
Nakaangkon it aneurysm ro anang ina matapos nga makipag-away sa sangka babaye sa prente it andang baeay ko nagtaliwan nga Disyembre 6.
Samtang, nakikipag istorya sa anang kakilaea, ginasugid nga gulping nalipong ro anang ina ag pag abot sa ospital hay sigidas ro anang pagsinuka.
Sa resulta it anang CT scan, nakita nga may nag eupok sa ugat sa anang utok rason nga kinahangean raya nga ipaidaeum sa operasyon sa siyudad it Roxas.
Pinaagi sa pagdangop sa Bombo Radyo Kalibo, nagpangayo it bulig si Judah nga kunta hay mabuligan sanda bangud nga naga-abot sa P800,000 pesos ro ginapangayo kanda nga bayad sa operasyon pa eamang.
