Kalibo Aklan ————–Mabahoe ro pagpati it pamilya it sangka transgender nga si alias Joefel nga may foul play sa anang pagkamatay sa Isla it Boracay .
Nasayuran nga nakit-an eon lang ro biktima nga owa eon it kabuhi sa sueod it anang ginadayunan nga apartelle.
Suno sa panaysayon it anang pamilya nga owa sanda nagapati nga bangud sa covid 19 ro anang ginkamatay .
Ginasugid nga halin sa Caloocan City ro biktima ag nakataeana kunta nga maga-uli sa mabusao, capiz sa baeay it anang lola, apang nagsaeampitan pa sanda it anang nobyo kaibahan ro iba pang barkada nga puro mga miyembro it LGBT nga magabakasyon sa Boracay.
Ko Enero 3 sigon sanda nag abot sa Isla ag nakapadaea pa raya it mga pictures ag videos sa andang pag-party sa Boracay.
Pasado alas 11 it gabi-i it kaparehong adlaw hay nag video call pa raya sa anang manghud nga si Michael .
Pagka-aga it udtro adlaw, Enero 4 hay nakabaton it tawag ro pamilya angot sa anang kamatayon .
Samtang, owa nakapaeapit ro pamilya sa bangkay ni alias Joefel bangud nga nagpositibo sigon raya sa deadly virus .
Nagapati man ro anang nobyo nga gin cardiac arrest ro biktima .
Plano it pamilya nga ipaidaeum ro anang bangkay sa autopsy agud nga matumod ro rason it anang kamatayon .
Nagaduda man sanda sa dugo nga nakita sa haboe sa kilid it bangkay.
Sa pihak nga parte, ro mga naging kaibahan it biktima hay ginpaidaeum eon man sa RT-PCR test .
