KALIBO, Aklan—Dismayado ro pamilya Masula matapos nga mahueog sa regular filing ro kaso kontra sa 18-anyos nga suspek nga nagbuno-patay sa 13-anyos nga binatilyo sa Purok 6, Brgy. Camanci Sur, Numancia ko Marso 6.
Suno kay Maria Angeline Masula, asawa it magueang it biktima nga maeain ro andang buot bangud owa eagi mataw-an it nagakaigo nga hustisya ro kamatayon it andang manghod.
Suno kana, gusto kunta nanda nga antes mai-eubong ro biktima hay makasuhan eon ro suspek nga si Joel Francisco.
Apang, owa sigon sanda it mahimo kundi magsunod sa proseso sa idaeom it laye.
Nagaeaum ro pamilya Masula nga matapos ro daywang buean nga paghueat hay daeayon eon nga maipasaka ro kasong homicide.
Madumduman nga nagsurrender si Franciso pasado alas-7:00 it agahon ko Marso 10 sa Kalibo Municipal Police Station apang temporaryong ginpahilway matapos ng iturn over sa Numancia PNP.
