KALIBO, Aklan—Nagapanawagan it hustisya ro pamilya it biktima nga nasapwan eun lang nga patay ag nagapaligos sa anang kaugalingon nga dugo sa binit it karsada sa Brgy. Camanci Norte, Numancia.
Suno sa igmanghod it biktima nga si Maricel Tamayo nga mabuhinan ro andang ginabatyag nga stress kung magsurrender eun ro suspek nga naghimo it makangieidlis nga krimen.
Samtang nagapati man sanda nga bukon eamang it sambilog ro una sa likod it pagpatay sa biktima nga si Wilfredo Tamayo Jr., 39 anyos ag tumandok it Brgy. Mangan, Banga apang presenteng naga-istar sa Purok 4, C.Lazerna Street, Barangay Poblacion Kalibo.
Ginapahayag nga kada gabi-e hay nagabiyahe it anang tricycle ro nasambitan nga biktima.
Kaina eamang it agahon hay nakit-an eun ro ginamanehong tricycle it biktima nga nauna eun nga naduea ag gin-abandona sa Sitio Pigado, Barangay Bachaw Sur, kalibo.
Sa makarun hay nagapadayun pa ro imbestigayon it mga otoridad agud nga matumod ro una sa likod it nasambitan nga krimen.
samtang ginkilaea man it live-in partner it biktima nga si alyas “gha” nga sangka maboot ag responsable raya nga klase it asawa.
Nagatinguha eamang sigon rayang magpamasada it tricycle agud nga may maipamakae it gatas para sa andang mga unga.
