KALIBO, Aklan—Wasak ro unahan nga parte it sangka pampasaherong van matapos bumunggo sa isang konkretong terrace it sangka baeay sa Barangay Mambog, Banga kaina it agahon.
Ginapatihan nga bangud sa madanlog nga karsada kasunod it pagbubu it uean hay tumiyog ro saeakyan ag bumunggo sa nasambit nga baeay.
Nagkaeabasag ro windshield ag nagkalhit ro mga bubog.
Eowas man ro driver ag ro iba pang sakay nga pasahero mag-eowas sa nakasakay sa front seat nga sangkiri nga naninahan matapos nga maigpit ro anang siki.
Gindaea raya sa pinakamaeapit nga ospital.
Halin sa Kalibo ag nagapa-agto sa direksyon it Iloilo ro van kat matabu ro aksidente.
Ginakabig sigon nga ro lugar hay sangka accident prone area.
Insigida man nga naguyod ro naaksidenteng saeakyan halin sa terrace it baeay.
Samtang, nagpa-blotter ro tag-ana it baeay nga si Bonifacio Teodosio agud nga makapangayo it danyos sa anang nasamad nga terrace.
Ro insidente hay padayun nga gina-imbestigahan it banga police station.
