KALIBO,Aklan — Uwa ginpaboran it Publishers Association of the Philippines Incorporated ukon PAPI ro panawagan it Presidential Task Force on Media Security (PTFoMS) ag National Union of Journalists of the Philippines (NUJP) sa Congress nga amyendahan ro laye nga naga-require sa mga miyembro it media nga maging witness sa anti-drug operations it pulisya.
Suno kay PAPI chairman Mr. Johnny Dayang nga bukon it manami ro nasambit nga ideya bangud nga kon uwa it presensya it media hay posibleng makaangkon it trust issues sa parte it publiko.
Mag-eowas kara, inde mapractice ro freedom of the press and freedom of expression
Gginpaathag dugang ni Mr. Dayang nga mabahoe ro pagsalig it publiko sa mga media nga nagasugid it kamatuoran sa kahanginan rason nga kinahang-ean ro presensya it media sa mga makarundaya nga operasyon it pulisya agud nga may transparency sa publiko.
Nasayuran nga nag-ugat ro panawagan it PTFoMS ag NUJP kasunod sa pag-atake sa newspaper photographer nga naging witness sa nagkaeain-eain nga drug buy-busts nga nagresulta sa anang pagkanina ag pagpatay sa anang gumankon.
