KALIBO, Aklan—-Mabahoe ro papel nga ginagampanan it pag-angkon it pangkabilugan nga lenggwahe it sangka nasyon.
Sa rayang pamaagi hay mas mapadali ro komunikasyon it kada pumueoyo maskin siin man nga parte it nasyon raya maghalin.
Suno kay Larry Boy B. Sabangan, Teacher III it Regional Science High School for Region VI nga importante ro pagtao it mabahoe nga igtueopangod sa wikang Filipino bangud raya ro sentro it komunikasyon sa Pilipinas.
Ginagamit man sigon raya sa tanan nga patag it komunikasyon kapareho it mass media ag academia.
Raya suno kana hay sangka medium para magka-intindihan ro mga tawo.
Nasayuran nga may tatlong nagapangunang lenggwahe ukon wika ro nasyon nga ginakaeakipan it Filipino, dumueo-o ag katutubo.
Agud nga makasunod sa modernong kalibutan, dapat sigon nga maging bukas ag balanse sa pagpreserba it kaugalingon nga wika.
Indi sigon dapat raya nga kalipatan sa baylo hay mas pang paumwaron ro kinaiya it wikang Filipino para sa mga masunod nga henerasyon.
