Ginpabugae ni Pangueong Ferdinand Marcos Jr., ro mabahoe nga kontribusyon it turismo sa ekonomiya it nasyon partikular ko 2023.
Suno sa Punong Ehekutibo, 48 percent raya nga mas mataas sa 1.41 trillion Tourism Direct Gross Value Added (TDGVA) ko 2022.
Ro nasambit nga haega hay nagarepresenta it 8.6 percent Gross Domestic Product (GDP) it nasyon ukon kapin sa PhP2.09 trillion pesos nga ginatantyang kapin sa US$35 billion US dollars.
Dugang pa it president nga ro 2023 Tourism Direct Gross Value Added (TDGVA) hay impressive bilang pinakamataas nga nailista halin ko 2000.
Bangud sa kontribusyon it Department of Tourism (DOT), naeampasan it gobyerno ro 2023 tourist arrival nga target nga umabot sa 4.8 million matapos mailista ro 5.45 million international tourists.
Base sa datos, ro International tourist arrival sa Pilipinas hay umabot sa 2.9 million halin January to March 2024.
