Ginpangunahan ni Pangueong Ferdinand Marcos Jr. ro pagpanupod it mga food packs, bulig pinansiyal ag medical services sa anang personal nga pagbisita sa 2,100 pamilyang na-displace bangud sa natabo nga sunog sa residential area sa Purok Uno, Islang Puting Bato sa Tondo, Manila ko Nobiyembre 24.
Sa mensahe it Presidente sa ginpatigayon nga ceremonial event sa Rosauro Almario Elementary School, gin-insister nana ro kinahang-eanon para iprayoridad ro ikamayad nga eawas it mga biktima it sunog nga ginbakwit ag presenteng nagadayon sa Delpan Evacuation Center kon sa siin personal man nga ginkamusta it Presidente ro andang kondisyon.
Nagpromisa ro Presidente sa padayon nga paghatod it food packs ag iba pang bulig hasta sa uman nga maipatindog ro andang mga baeay.
Ginpasiguro man it presidente sa mga apektadong residente ro promisa it national ag local governments nga mataw-an sanda it bag-ong mga baeay antes ro Paskwa.
