Nag anunsyo ro Manila Electric Company (Meralco) it dugang panueoktan sa bill it kuryente para makaron nga buean it Nobyembre.
Magasaka it P0.4274 per kilowatt-hour ro magiging sukot it kumpanya nga magadaea sa kabilugang P11.8569 per kWh nga mas mataas it haeos piso sa P11.4295 kWh nga panueoktan ko nagtaliwan nga buean.
Ginpaathag ni Meralco Vice President and Head of Corporate Communications Joe Zaldarriaga, nga ro dugang panueoktan hay bangud sa mas mataas nga sukot it generation ag transmission charges it andang electricity supplier.
Dugang pa kara, nagtaas man sigon ro charge kanda it Independent Power Producers (IPPs) nga nagtaas it P0.9392 kWh samtang ro Power Supply Agreements mat-a hay nagsaka sa P0.4295.
Bangud kara, magapatak it P85 pesos ro magiging increase sa mothly bill it sangka pamilya nga nagakonsumo it 200kWh.
