Masadya ag batyag eon it mga Katoliko partikular it mga Pilipino ro selebrasyon it Paskwa sa nasyon it Morocco.
Kung siin naga-umpisa eon ro ginapatigayon nga advent sa mga simbahan sa nasambit nga lugar.
Suno kay Bombo International Correspondent Mylene Tuddao Morgan it Morocco nga apisar nga owa nagaselebrar it Paskwa ro mga Moroccans hay naga-umpisa eon ro mga malls sa pagbutang it dekorasyon.
Sa kamatuoran suno kana nga naga-umpisa eon ro mga Pinoy sa pagpueong ag pag-organisa para sa mga aktibidad may kaangtanan sa paskwa nga andang pagahimuon.
Rayang mga tikang hay para sigon mabatyagan sa gihapon nanda ro spirit of Christmas apisar nga sa ibang nasyon sanda.
Samtang, magapatigayon man it Christmas Party ro Philippine Embassy kun sa siin imbitado ro tanan nga mga pinoy.
Magapatigayon man sigon it simbang gabe ro mga katoliko sa Morocco kada alas-7 it gabi-e umpisa sa Disyembre 16, 2022.
Sa pihak nga parte, normal nga adlaw eamang para sa mga Moroccans ro adlaw it Paskwa, apang pag-abot man it new years celebration hay ginasug-aeaw man nanda ra kapareho it mga Pinoy
