KALIBO, Aklan—Uman nga magakasa it Passport on Wheels ro Lokal nga Gobyerno it Kalibo.
Tuyo kara nga ipa-eapit sa publiko ro mga serbisyo kapareho it pagbo-oe it bag-ong passport kamana man ro pagpa-renew kara.
Kabulig it nasambit nga proyekto ro Department of Foreign Affairs ukon DFA Regional Office VI nga nauna eon nga ginhinyu it LGU-Kalibo.
Suno kay Kalibo SB Member Ketchie Luces nga mabahoe ro bulig kara sa mga Kalibonhon ag Akeanon bangud nga indi eon nanda kinahangean nga mag-agto sa siyudad it Iloilo agud nga makabo-oe it passport .
Naging madinaeag-on ko nagtaliwan nga dag-on ro ginpatigayon nga passport on wheels it LGU-Kalibo ag DFA Region 6 nga ginhiwat sa Aklan Catholic College Covered Court.
Para sa iba pang pangutana ag iba pang impormasyon, pwedeng makipag-angot sa LGU-Kalibo
