Nagpahayag it pakikiisa si Pangueong Ferdinand Marcos Jr. sa sambayanang Pilipino sa pag-obserba it kapiyestahan it Immaculate Conception makaron nga adlaw it dominggo, Disyembre 8.
Sa mensahe it Presidente, ginpahayag kara nga ro nasambit nga adlaw hay may madaeom nga importansiya nga nagakilaea sa papel ni Inang Birheng Maria sa kabuhi ni Hesu Kristo ag plano it Diyos para sa pagtubos sa sangkatawuhan.
Nagaangkon sigon raya it mabahoe nga kahueugan sa mga Katoliko ag nagatao it kahigayunan para sa tanan nga tumueo-o nga magpamaeandong sa mga biyaya, kadalisayan ag debosyon.
Gin-engganyo it Presidente ro mga tumueo-ong Katoliko ag Pilipino nga tuearon si Inang Birheng Maria sa pinaagi it pagserbe sa iba nga may pagka-eooy ag pagpainubuson kapin eon sa pagtaguyod it Bagong Pilipinas nga atong ginahandom para sa pumueoyong Pilipino.
