Ginpadumdom ni Pangueong Ferdinand Marcos Jr., ro mga concerned agencies nga taw-an anay it abiso ag buligan ro mga apektadong komunidad antes magpaguwa it tubi sa mga dams.
Tuyo it Presidente nga malikawan ro anumang aksidente ro pagkamatay.
Ginhimo it Presidente ro pagpadumdom sa ginpatigayon nga emergency meeting sa NDDRMC sa Kampo Aguinaldo.
Ginpahayag dugang it Punong Ehekutibo nga importanteng maibakwit ro mga apektadong komunidad sa eowas nga lugar.
Ginpahayag mat-a ni DILG Secretary Benhur Abalos sa Presidente nga raya hay dapat maging kaparte sa protocol nga taw-an it abiso ukon paandam ro komunidad angot sa planong pagpaguwa it tubi sa mga dams.
Ginapasiguro man ni Pangueong Marcos nga mataw-an it nagakaigong bulig ro mga kababayan naton nga apektado maeapnagong pagbaha bangud sa Bagyong Carina.
Nauna eon nga ginpahayag it Punong Ehekutibo nga ro mga liblib nga lugar ukon mga isolated areas ro unahon nga mataw-an it bulig bangud sa kalamidad.
Ginapatumod man it Presidente ro mga nasambit nga isolated areas.
Base sa report it DSWD, kabilugang 45,328 nga pamilya halin sa 225 barangays sa regions 1, 2, 3, Calabarzon, Mimaropa, 5,6,7, NCR ag CAR ro apektado it bagyong Carina.
