-- ADVERTISEMENT --
KALIBO, Aklan—Eubos nga ginakalipay it mga negosyante ro pag-lift it ginapatuman nga mandatory nga pagsuksok it face shield kung nagaguwa sa pampublikong lugar sa banwa it Kalibo.
Suno kay Philippine Chamber of Commerce and Industry ukon PCCI-Aklan Chapter board member Ramil Buncalan nga batyag eun it mga negosyante ro manami nga epekto sa andang paeangitan-an kat ginpaidaeum sa alert level 2 ro bilog nga probinsya.
Sa makarun man sigon hay amat-amat eun nga naga-inabo ro andang costumers ag maskin sa mga pampublikong lugar hay makit-an eun man ro maabong mga nagaguwa nga tawo.
Sa pihak kara, nagpadumdom man imaw sa publiko nga maskin ginhaeugaan eun ro mga pagsinoeondan hay dapat nga padayun nga masunod sa gihapon sa health protocol.
