KALIBO, Aklan–Nag-apela ro Philippine Chamber of Commerce and Industry ukon PCCI Boracay sa Inter-Agency Task Force for Emerging Infectious Diseases ukon IATF-EID nga makaangkon it kaugalingon nga community quarantine status ro isla.
Gina-insister it grupo it mga negosyante nga magkaiba makaron ro kahimtangan it Boracay kaysa sa bilog nga probinsiya it Aklan.
Ro isla sigon hay nakalista makaron it manaba nga kaso ag transmission it coronavirus disease 2019 ukon COVID 19.
Mag-eowas kara, sigidas man ro ginapatigayon nga pagbakuna sa mga residente ag mga trabahador kamana man nga sigidas eon ro pag-aeabutan it mga covid vaccine sa probinsiya..
Ginakonsidera man makaron ro pagtukod it mas hugut nga border control measures ag mandatory nga testing sa tanan nga mga nagasueod sa Boracay.
Ginklaru pa it mga negosyante nga bukon it special treatment ro andang gina-eagas bangud nga padayun man sanda nga nagasunod sa mga ginapatuman sa guidelines ag polisiya it IATF-EID sa pagsukoe kontra covid.
Masyado eon sigon nga apektado ro ekonomiya it probinsiya kaibahan ro Boracay rason nga ginahinyu nanda nga hugtan eon lang ro pagsueod sa isla.
Ginpamilit pa nanda nga importante nga magapadayon nga bukas ro turismo agud nga mabalanse ro public health concerns ag economic concerns para sa kamaeayran it mga trabahador, tanan nga stakeholders, investors ag mga turista.
Sa makaron hay ginahueat it mga aklanon ro magiging kapalaran sa Hulyo 22 kon igabalik sa Modified Enhanced Community Quarantine (MECQ) ro quarantine classification kasunod it nagatinaas nga kaso it covid 19 kun sa siin ro aklan ro nagapanguna makaron sa bilog nga Western Visayas.
